2012-11-04

ཐུགས་རྗེ་ཆེ། བཀའ་དྲིན་ཆེ།

མཚན་མོ་མུན་ནག་ནང་དུ།།
སེམས་པས་ལུས་པོ་དྲུད་དེ།།
སྡོད་ཁང་ཕྱོགས་སུ་ལོག་དུས།
ཟླ་བ་ཁེར་འདུག་མཐོང་བས།།
ཁྱེད་ཀྱི་འཛུལ་ཞལ་དྲན་བྱུང་།།

ཁྱེད་ཀྱི་སྨོན་ལམ་དྲན་བྱུང་།

ཐུགས་རྗེ་ཆེ་ཞེས་ཞུ་འོ།།
ང་ལ་རྒྱབ་སྐྱོར་གནང་བར།།
བཀའ་དྲིན་ཆེ་ཞེས་ཞུ་འོ།།
ང་ལ་ཐུགས་ཁུར་གནང་བར།།

ཞོགས་པ་མལ་ཆས་ནང་ནས།།

ང་རང་གཅིག་པུར་ལངས་དུས།།
ཁྱེད་ཀྱི་མངར་ཇ་དྲན་ནས།།
མིག་ཆུ་འཆོར་གྲབས་བྱེད་ཀྱང་།།
བརྩེ་བའི་གློག་འཕྲིན་མཐོང་དུས།།
སེམས་པ་དྲོད་ཀྱིས་གང་འགྲོ།།

ཐུགས་རྗེ་ཆེ་ཞེས་ཞུ་འོ།།

ང་ཡི་དགོས་མཁོ་ཤེས་པར།།
བཀའ་དྲིན་ཆེ་ཞེས་ཞུ་འོ།།
ང་ལ་གཤིས་འཇམ་གནང་བར།།